Улсын төсвийн дэмжлэггүйгээр байгалийн аялал жуулчлал хөгжүүлэн өөрөө өөрийгөө санхүүжүүлж, байгалиа хамгаалдаг цорын ганц байгалийн цогцолбор газар юм. Таны оруулсан орлого, хандив шууд байгаль хамгаалах буянт үйлсэд зарцуулагдаж байгааг хэлэхэд таатай байна. Хустайн нуруу жуулчны бааз нь жилийн турш ажилладаг. Нэг ээлжиндээ 100 хүн хүлээн авч үйлчлэх хүчин чадалтай. Мөн шинээр баригдсан нарны эрчим хүчээр халаалтаа шийдвэрлэсэн хамгаалалтын захиргааны байшинд хурал, семинар, сургалт зохион байгуулж болох бүрэн тоноглогдсон 2 заал бий. Байгалийн сайханд амрангаа, ажил хэргээ явуулах боломжийг бид та бүхэнд санал болгож байна. Үүний зэрэгцээ морин аялал, дугуйн аялал хийх боломжтой. Хустайн байгалийн цогцолбор газарт зочилсон хэн бүхэн байгалийн үзэсгэлэн, зэрлэг амьтад, шувууд, зүйл зүйлийн цэцэгст харж нүд баясан, түүх соёлын дурсгалт зүйлс, монголчуудын уламжлалт зан үйлтэй танилцах болно. Манайд зочилсон хэн бүхэн байгалийн үзэсгэлэн, зэрлэг амьтад, шувууд, зүйл зүйлийн цэцэгст нүд баясан, түүх соёлын дурсгал, монголчуудын уламжлалт зан үйлтэй танилцахын зэрэгцээ ажилтнуудын соёлтой үйлчилгээ, сайхан инээмсэглэл, найрсаг харилцааг мэдрэх болно.